Конвенција за правата на детето
„Детективи на правата на детето“
Поделете се во групи, погледнете на линкот по што ќе извлечете по три броја кои ги означуваат следните членови од Конвенцијата: 6-9, 12-20 и 24-29 (вкупно 19 члена). Секоја група треба да подготви по две сценарија за презентирање на „своите“ три права, така што во едното ќе прикаже ситуација на прекршување на правото, а во другата ситуација на почитување на правото. Потоа, групите ги глумат ситуациите за секое право одделно, а другите ученици погодуваат за какво право станува збор и образложуваат врз основа на што го посочиле конкретното право (на пример: Дете не може да оди на училиште, дете е жртва на онлајн насилство, детето нема право да учествува во семејни одлуки). Групите потоа заеднички дискутираат за правата кои се почитуваат и прекршуваат.
https://www.unicef.org/northmacedonia/media/1806/file/MK_CRC_1990_MK.pdf
Активности за критичко мислење и разрешување на проблеми
Примери за активности за критичко мислење и разрешување на проблеми
Факти:
Повеќе од 160 милиони деца ширум светот работат наместо да одат на училиште или да играат — тоа е приближно 1 од 10 деца на планетата. Од нив, околу 79 милиони работат во опасни услови што може да им наштети на здравјето, безбедноста или развојот.
https://meta.mk/svetski-den-na-zloupotreba-na-detski-trud-160-milioni-deca-vo-svetot-rabotat/
Пример 1 — Шеин (Shein) и фабрички случај
Во 2024 година модната компанија Шеин документирала 2 случаи на детски труд во својот синџир на добавувачи:
- едно дете од 11 години и 8 месеци било забележано како помага во фабрика за време на летен одмор каде работеле неговите родители;
- второто било 15 години и 3 месеци старо дете.
Откако биле откриени, компанијата прекинала соработка со добавувачите.
Овој пример покажува дека иако некои компании имаат правила против детски труд, тој сепак се случува — што значи дека правните обврски мораат да се применуваат реално.
Активност 1
Размисли индивидуално
Запиши во форма на есеј:
Зошто деца работат наместо да одат на училиште?
( како инспирација искористи ги поимите: сиромаштија, семејни околности, недостаток на контрола итн.)
Активност 2
Групна работа
Поделете се во групи од 3–4 ученици и истражете:
Тема A: Како детскиот труд го повредува правото на образование и време за игра?
Тема Б: Кои права од Конвенцијата за правата на детето се прекршени кога дете работи на такви места?
Тема В: Кои мерки би предложиле за да се спречи ова во иднина?
Во групата применете ги следниве бројки и факти:
160 милиони деца работат наместо да учат/играат.
https://meta.mk/svetski-den-na-zloupotreba-na-detski-trud-160-milioni-deca-vo-svetot-rabotat/
Потоа секоја група презентира:
Кои права од Конвенцијата за правата на детето се повредени во примерите?
Зошто е тоа проблем за детскиот развој?
Какви решенија предлагаат (на локално/меѓународно ниво)?
Запомни
Кога детето мора да работи во опасни услови или да го пропушта училиште — ова се директни повреди на овие права.